19 de dec. de 2012

Xa temos as invitacións!!

 
Acabamos de recibir os convites que, xunto aos 3 Kg de comida requeridos (legumes, pastas e conservas que serán recollidos na entrada ao recinto) a favor do Banco de Alimentos, daranvos acceso o venres á Sala O Túnel (apertura de portas 18.00 h).

As invitacións poderanse recoller no CMIX do Fórum Metropolitano en horario de 10.00 a 14.00 h e de 17.00 a 20.00 h, e nos propios Locais de Ensaio de 16.00 a 22.00 h., podendo retirar un máximo de 3 por persoa.
Share:

18 de dec. de 2012

Presentación de Cubase 7 + Tremebundos no Ágora


18 persoas ateigaron hoxe á tarde a sala 3 dos Locais de Ensaio para asistir ao Clinic de Cubase 7 impartido coa colaboración de Steinberg e PluginAudio  (moitas grazas, Pedro e Jorge polas vosas explicacións). Poidemos admirar todas as novas ferramentas, que axudan á composición de novas cancións (ainda que non se teñan nocións de linguaxe musical), fan máis intuita a mestura e facilitan a elaboración de remixes, entre outras moitísimas cousas (as case 3 horas e media que durou o evento fixéronse curtas!!).

E cambiando de tema, hoxe á mañá o grupo Tremebundos, quenes abrirán o III Festival En Directo deste venres, participaron no programa "Hoy por hoy" de Radio Coruña - Cadena Ser. Tocaron 2 temas propios en formato acústico e recibiron unha breve entrevista.




Share:

13 de dec. de 2012

III Festival En Directo!!


Hoxe presentouse na Sala O Túnel o III Festival En Directo. Terá lugar o 21 de decembro e contará con 13 dos grupos usuarios dos Locais de Ensaio. No evento, que terá unha duración cercana ás 7 horas, haberá música para todos os gustos: Pop-Rock, Funk, Rock acústico, R&B, Rock alternativo, Blues, Hard-Rock ou Metal.

Para acceder, haberá que retirar a invitación (máximo 3 por persoa) no Centro Municipal de Información Xuvenil do Fórum Metropolitano, ou nos Locais de Ensaio. Avisarase polas redes sociais cando estean dispoñibeis. Ademais, o día do concerto, cada persoa deberá achegar 3 kg de legumes, pastas ou conservas que irán directamente a beneficio do Banco de Alimentos.

Ademais do festival, na presentación aos medios de comunicación, Francisco J. Mourelo (Delegado de Educación, Deportes e Xuventude do Concello), introduciu a nova campaña de visibilización dos Locais de Ensaio que ten por obxectivo que a xuventude da cidade coñeza as nosas actividades.




Share:

27 de nov. de 2012

Presentación de Cubase 7 + Clinic



O martes 18 despedimos as actividades formativas para este 2012 da man de PluginAudio, quenes farán a presentación da nova versión da que, para moitos, é a DAW máis potente do mercado, Cubase 7.

Falarase das novidades que se poderán atopar nesta nova versión, rematando o evento cun Clinic de 2 horas sobre como abordar este tipo de software e as súas posibilidades para músicos, produtores e técnicos de son.

Para poder participar no evento, só deberedes seguir os pasos que atoparedes aquí e agardar a vosa confirmación de asistencia.
Share:

24 de ago. de 2012

Prazo de inscricións para a nova quenda

Este luns, 27 de agosto, ábrese o prazo para presentar toda a documentación requirida e optar a participar na quenda de outubro 2012-marzo 2013 dos locais de ensaio:
- Solicitude debidamente cuberta.
- Fotocopia dos DNI de todos/as os/as compoñentes do grupo.
- Certificado de empadroamento de 2012 ou matrícula escolar do curso 2012/2013 de, cando menos, a metade do grupo.
- Permiso paterno/materno/do titor ou titora legal de todas as persoas menores de idade e fotocopia do DNI do maior de idade que firma o permiso.

Os modelos de solicitude e permiso a menores atoparédelos neste mesmo blogue, ao igual que o regulamento a seguir.
Os únicos grupos exentos de facer esta solicitude son os que nestes intres compoñen a listaxe de agarda.

Tedes até o venres 21 de setembro para achegardes toda a documentación requirida ao Centro Municipal de Información Xuvenil (Fórum Metropolitano: rúa Río Monelos, 1). As solicitudes recibidas a partires do 22 de setembro pasarán á listaxe de agarda dos locais de ensaio, notificando aos grupos integrantes as prazas libres para ensaiar, de habelas, por orde de entrega da solicitude. A nova quenda dará comezo o luns 1 de outubro.

Horario CMIX: Luns a venres de 10.00 a 14.00 h (durante agosto) e ademais de 17.00 a 20.00 h a partires de setembro.
Calquer dúbida, podedes remitila a locaisdensaio@gmail.com.
Share:

13 de xul. de 2012

Volume 2


Xa tedes á vosa disposición o ansiado "Volume 2" con temas gravados no estudio dos locais de ensaio por grupos usuarios das instalacións.

Como xa se comentou en rolda de prensa o pasado 6 de xullo, consta de 10 temas que percorren un amplo abano de estilos, desde o Folk de Os da Troula até o Pagan-Metal de Fouce, pasando por sons máis achegados ao Blues (Akupuntura), o Rock de Carretera Comarcal e Crossroad, o Metal de Avézar, Warning!, Tolemia e Shinnen, ou a proposta máis acústica a cargo de Almakoa.

A edición consta de 1000 Cd´s a retirar de balde nos propios Locais de Ensaio da Concellaría de Xuventude, e nas vindeiras datas no CMIX do Fórum Metropolitano e máis na rede de Bibliotecas Municipais.

Share:

10 de xul. de 2012

Resumo do METALCAMP 2012

Logo das 23 horas de actividades musicais dentro do Coliséum que significou o METALCAMP 2012, deixámosvos un breve esbozo do que foi (para aqueles que non poidéchedes asistir) e de recordo (aos que sí estivéchedes e desfrutástedes do evento).

José Rubio deu unha MASTERCLASS (sí, en maiúsculas!) parándose en cada detalle técnico nas 3,5 horas que duraron as súas explicacións.

Logo das explicacións de Dani Pereira e Rafael Orge DJ ,o clinic rematou cunha Jam Session.

Jorge Pérez explicou en 2 sesións diversos conceptos técnicos que o músico medio soe descoñecer.

Da gusto cando un músico toca e se explica tan ben como Miguel Queixas.

Ademais, poidose xogar ao guitar/DJ Hero, usarse a sala de Jam Sessions e asistir ao obradoiro de Luthier dirixido por Toxo. Como prato final, o festival solidario En Directo xuntou a preto de 300 persoas na Sala O Túnel do Coliséum, con recadación a favor de Médicos Sin Fronteras.

Ruthless Deed foron os encargados de comezar. Descarga de Metal con toques de poesía.

Brewed mostraron, no seu concerto-presentación o Metal adrenalínico que levan dentro.


Rockers in Black moveron á xente co seu Hard Rock clásico.


After All deron todo un show!.


Os Man City Blue deixaron o escenario como se pasara un tornado.


They´re Random Persé!


E a proposta máis tranquila da noite, a cargo de Almakoa, fixo que a xente marchara cun bo sabor de boca.


Desde a organización, agradecer a todos os asistentes o recadado para Médicos Sin Fronteras, aos grupos pola súa actitude (e aptitude) enriba do escenario, e a The Drum House, Yamaha, Adagio, P&G sound-store e Plugin Audio o apoio e entrega na realización do METALCAMP.
Share:

4 de xul. de 2012

Horarios METALCAMP 2012


A continuación detallamos un pouco máis as actividades dentro do METALCAMP.


VENRES
16.30 h - Clinic de batería

a cargo de Dani Pereira onde ilustrará aos asistentes diversas nocións rítmicas e diferencias entre baterías feitas con distintas madeiras.
Dani conta, a pesar da súa idade, cunha longa traxectoria en bandas de diversos estilos, sendo o Hardcore o común denominador de moitas delas.
Cortesía de P&G soundstore, Ddrums e Adagio.

18.00 h - Masterclass de José Rubio

O ex compoñente de Warcry (actualmente en José Rubio´s Nova Era) explicará a súa técnica de guitarra e dará consellos avalados pola súa experiencia nos escenarios de toda a península.
TECNICAS DE GUITARRA METAL:
Púa alterna, legato, bendings e vibratos, sweep picking, string skipping, tapping, armónicos e whammy-bar.

EXERCICIOS DE PERFECCIONAMENTO DA TÉCNICA:
Aumentar a velocidade e precisión, e como organizar horarios de práctica.

OUTROS:
Explicación de escalas pentatónicas (menores, maiores, blues, xaponesas, ademais de explicalas en estilo Shred), modos gregos, arpegios, e configuración do son.

DEMOSTRACIÓN CON PLAY ALONGS.

Coa colaboración de Yamaha. http://www.joserubio.weboficial.com/


20.00 h - Obradoiro de DJing, impartida por Rafael Orge DJ, parándose en explicacións de arranxos de scratching e sampling para orientalo a composicións metal.
Cortesía de P&G soundstore, Native Instruments e Adagio.


SÁBADO

10.00 h - Obradoiro de Luthier de guitarras a cargo de Toxo Luthier. Tras o éxito da anterior convocatoria, volvemos contar con Toxo e a súa experiencia para falar do coidado, posta a punto e customización do instrumento.

10.00 h - Zona 3x3. Como non todo vai ser música, o sábado pola mañá os asistentes poderán soltarse un pouco lanzando á canasta nos exteriores do Coliséum.

Colabora a Concellaría de Deportes.

12.00 h - Obradoiros de informática musical con Jorge Pérez. 

Ferramentas creativas en producción musical
Plataforma Native Instruments Reaktor
Trucos para a implementación electrónica nun grupo de rock

Cortesía de PluginAudio, Native Instruments e Adagio.

16.30 h - Masterclass de Miguel Queixas:

Explicación de cómo conseguir unha composición de percusión máis eficiente, ademais de outros consellos, e demostración das súas habilidades á batería do compoñente de Brothers in Band, Nova Galega de Danza, Banda Crebinsky, e moitos outros proxectos.
Demostracións con Play alongs.

Cortesía de The Drum House e Yamaha. http://www.miguelqueixas.com/

18.30 h - Obradoiro de informática musical con Jorge Pérez.

Electrónica en directo
Native Instruments Maschine e Reaktor
Programación de sets en secuenciador (Cubase) e desarrollo VST
Mestura para son en directo

Cortesía de PluginAudio, Native Instruments e Adagio.

E desde o venres ás 16.00 até o sábado ás 21.00 h* ...

Jam Sessions: Habilitaremos unha das salas de ensaio para que os/as campistas poidan tocar dun xeito distendido ao longo de todo o evento. Só será preciso traer baquetas e guitarras.

Zona Guitar Hero: En colaboración con Movemento Xove.

Lembrade que o prezo por asistir a estas actividades é só de 15 € (se queredes acampar no Coliséum, e dispoñer de pensión completa desde o comezo do mesmo, serían 50 € en total).
Para aqueles que só desexen asistir ás masterclass a realizar na Sala O Túnel,  poderán presentarse na porta 12 do Coliséum desde media hora antes do comezo do evento (2 €).

* Parando para durmir, claro!
Share:

29 de xuño de 2012

METALCAMP 2012



QUE É O METALCAMP?

Os Locais de Ensaio da Concellaría de Xuventude do Concello da Coruña presentan o evento METALCAMP 2012. Trátase dunha convivencia de músicos (con preferencia aos que teñan idades comprendidas entre os 14 e os 30 anos) que terá lugar no Coliséum os días 6 e 7 de xullo, e onde programaranse diversas actividades lúdico-formativas relacionadas coa música de tendencia Rock-Metal.
Serán 33 horas desde o comezo até a fin onde, aqueles que así o desexen, poderán desfrutar de todas as actividades ininterrumpidamente, ao habilitar dentro do edificio zona de acampada, comedor e zona de duchas.

QUE ACTIVIDADES PODO FACER?
  • Clinic de batería a cargo de Dani Pereira onde ilustrará aos asistentes diversas nocións rítmicas e diferencias entre baterías feitas con distintas madeiras. Cortesía de P&G soundstore, Ddrums e Adagio.

  • Masterclass de José Rubio O ex compoñente de Warcry (actualmente en José Rubio´s Nova Era) explicará a súa técnica de guitarra e dará consellos avalados pola súa experiencia nos escenarios de toda a península. Coa colaboración de Yamaha. http://www.joserubio.weboficial.com/


  • Obradoiro de DJing, impartida por Rafael Orge DJ, parándose en explicacións de arranxos de scratching e sampling. Cortesía de P&G soundstore, Native Instruments e Adagio.

  • Obradoiro de Luthier de guitarras a cargo de Toxo Luthier. Tras o éxito da anterior convocatoria, volvemos contar con Toxo e a súa experiencia para falar do coidado, posta a punto e customización do instrumento.

  • Jam Sessions: : Habilitaremos unha das salas de ensaio para que os/as campistas poidan tocar dun xeito distendido ao longo de todo o evento. Só será preciso traer baquetas e guitarras.

  • Zona 3x3. Como non todo vai ser música, o sábado pola mañá os asistentes poderán soltarse un pouco lanzando á canasta nos exteriores do Coliséum. Colabora a Concellaría de Deportes.

  • Obradoiros de informática musical con Jorge Pérez. Farase unha sesión para explicar software que se pode usar en directo, e outra de producción musical. Cortesía de PluginAudio, Native Instruments e Adagio.

  • Masterclass de Miguel Queixas: Explicación de cómo conseguir unha composición de percusión máis eficiente, ademais de outros consellos, e demostración das súas habilidades á batería do compoñente de Brothers in Band, Nova Galega de Danza, Banda Crebinsky, e moitos outros proxectos. Cortesía de The Drum House e Yamaha. http://www.miguelqueixas.com/

COMO PODO PARTICIPAR NO METALCAMP?
          Para asistir ao evento existen 3 xeitos distintos de entrada:
        • Abono de campamento, zona de duchas e pensión completa (2 ceas, 1 almorzo e máis unha comida), ademais da posibilidade de asistir a todas as actividades que forman o campamento. 50 €

        • Abono a todas as actividades que forman o campamento. 15€

        • Acceso ás masterclasses de José Rubio (venres 6, 18.00 h) e Miguel Queixas (sábado 7, 16.30 h)   2 € cada master class, as entradas adquírense na porta da Sala O Túnel desde media hora antes do evento.
        Aforo limitado en todas as actividades.
        A inscrición e o abono de cotas poderase realizar nos propios Locais de Ensaio da Concellaría de Xuventude (Coliséum da Coruña, Rúa Francisco Pérez Carballo nº2) en horario de 16.00 a 22.00 h desde o 2 de xullo, ou ben facendo un ingreso á conta 2080 5540 36 3040006366, adxuntando o xustificante de pago a locaisdensaio@gmail.com. En ambos os casos, para validar a inscrición, deberá facilitarse o impreso e máis a documentación requerida ( fotocopia do DNI do solicitante e, no caso de ser menor de idade, autorización paterna-materna-do titor e máis a fotocopia do DNI da persoa que a asina) no regulamento propio do evento que todos/as os/as interesados/as poderán atopar aquí.

        E AO FINAL DO METALCAMP..., QUE?

        O punto e final deste Metalcamp poñerao a segunda edición do FESTIVAL EN DIRECTO!!, unha nova proposta solidaria (coa recadación da entrada de 2 € destinada a unha ONG) a cargo dos grupos usuarios dos locais de ensaio. Nesta concerto, que terá lugar o sábado 7 de xullo ás 21.00 h na Sala O Túnel, grupos como After All, Almakoa, Man City Blue, Brewed, Random Persé, Ruthless deed ou Rockers in Black porán o broche ao evento.
        Share:

        16 de abr. de 2012

        Un domingo calquera...


        Onte era un día especial na Coruña. Con ambiente de derby, os que quedaron na cidade poideron desfrutar (e incluso participar) da primeira marathon oficial por este recuncho da peninsula. E 4 dos grupos usuarios dos locais (Shinnen, Warning!, Man City Blue e After All) quixeron colaborar coa súa música, ambientando, e animando, o percorrido mentres os corredores daban o mellor que tiñan.


        Era un pouco cedo para o Rock (desde as 10.00 h), mais os que se achegaron aos dous escenario levaron unha boa ración de adrenalina para o resto do día.


        Unha mañá de domingo diferente, onde a música e o deporte foron da man, e un etíope (Asfaw Tewodroj) gañou cun tempo de 2h 19' 47".

        Share:

        13 de abr. de 2012

        Marathon A Coruña 42



        Este domingo terá lugar a marathon A Coruña42. Entre as moitas animacións que acompañarán o percorrido, teremos 2 escenarios con grupos dos locais de ensaio; un estará situado na Mariña, anexo ao Teatro Colón, mentres que o outro escenario situarase na rúa do Matadoiro, nas inmediacións do EIX.

        Grupos participantes:

         After All: É un grupo de mozos Coruñeses, con diversas influencias do rock das últimas décadas.

         Akupuntura: Blues-Rock con toques Metal e moita liverdade para a improvisación.



        Man City Blue: Desde o punk clásico até a música alternativa, pasando por todas as diferentes etapas do rock. Fan covers, así como compoñen temas propios fusionando diferentes gustos musicais.

        Shinnen: Hoxe en día fixámonos demasiado nas etiquetas. Eles son Shinnen, e van directos a por todas.

        Warning!: Desde o Thrash Metal oitentero até Metalcore destes días faranche viaxer polo lado duro da música.

        Teremos música en directo de 10.00 a 13.00 h., sendo a orde de actuación a seguinte:

        Escenario da Mariña:              Warning!, Shinnen, Akupuntura, After All, Man City Blue
        Escenario do Matadoiro:         After All, Warning!, Shinnen, Akupuntura
        Share:

        13 de feb. de 2012

        Abrese o prazo de inscricións para a nova quenda semestral



        Hoxe abriuse o prazo para presentar toda a documentación requirida para poder optar a participar na quenda de setembro-marzo 2012 dos locais de ensaio:
        - Solicitude debidamente cuberta.
        - Fotocopia dos DNI de todos/as os/as compoñentes do grupo.
        - Certificado de empadroamento de 2012 ou matrícula escolar do curso 2011/2012 de, cando menos, a metade do grupo.
        - Permiso paterno/materno/do titor ou titora legal de todas as persoas menores de idade e fotocopia do maior de idade que firma o permiso.

        Os modelos de solicitude e permiso a menores atoparédelos neste mesmo blogue, ao igual que o regulamento a seguir.
        Os únicos grupos exentos de facer esta solicitude son os que nestes intres compoñen a listaxe de agarda.
        A nova quenda dará comezo o luns 19 de marzo.
        Tedes até o venres 9 de marzo para achegardes toda a documentación requirida ao Centro Municipal de Información Xuvenil (Fórum Metropolitano: rúa Río Monelos, 1). As solicitudes recibidas a partires do 10 de marzo pasarán á listaxe de agarda dos locais de ensaio, notificando aos grupos integrantes as prazas libres para ensaiar, de habelas, por orde de entrega da solicitude.

        Horario CMIX: Luns a venres de 10.00 a 14.00 e de 17.00 a 20.00 h e sábados de 11.00 a 14.00 h.
        Calquer dúbida, podedes remitila a locaisdensaio@gmail.com.
        Share:

        20 de xan. de 2012

        Obradoiro de mantemento e customización de guitarras (e baixos!!)



        Desta vez, a oferta formativa dos locais de ensaio tratará sobre os coidados básicos adicados aos vosos instrumentos. Contaremos coa colaboración do recoñecido luthier Toxo, quen ademais de facervos unhas demostracións in situ coa ferramenta propia do seu gremio, mostrarvos diversas guitarras, e facer diversas explicacións sobre a súa profesión, atenderá (e pensamos que esta é a parte importante do obradoiro) todas as vosas dúbidas sobre a materia.

        Tal e como pon no cartaz, o evento comezará (coma sempre puntualmente) ás 11.00 h do día 28 deste mes, e terá lugar na Sala O Túnel do Coliséum. Para inscribirvos, só tedes que seguir estes sinxelos pasos. 
        Share:

        Incrición obradoiros ou masterclasses

        número de visitas

        Participación e Innovación Democrática

        Centro Municipal de Información Xuvenil do Concello da Coruña (CMIX)

        Blog Archive