18 de dec. de 2017

Masterclass Miguel Lamas



Para o mércores 27 de decembro temos a guinda do pastel do ano 2017: unha masterclass de batería con Miguel Lamas!!.
Aos seus 24 anos, este fenés xa ten unha dilatada carreira e ten traballado con artistas da talla de Raimundo Amador, O´Funk´illo, David Bustamante, Soraya Arnelas, Miguel Ríos, Pepe Bao, Santiago Campillo...
Miguel demostrará é explicará xeitos de como desenvolver musicalidade e habilidade no instrumento a través de músicas pertencentes a varios dos proxectos nos que ten colaborado, intercalando explicación, canción e consellos técnicos e prácticos.

O obradoiro terá lugar na Sala O Túnel do Coliseum o 27 de decembro de 2017 de 19:00 h a 21:00 h. Para asistir, só debes cubrir o formulario que atoparás á dereita deste texto, tendo como prazo de inscrición até o día anterior do evendo, ás 21:00 h. As prazas son limitadas, e pode solicitar asistencia toda a ciudadanía.
Share:

Obradoiro de Beatmaker



Unha das actividades formativas coas que remataremos o ano será un obradoiro de Beatmaker, que terá como puntos claves:
Uso e manexo do software, secuenciadores, gravación de instrumentos externos, utilización de plugins, uso de librerías de sons, etc.

Como poñente, teremos a Aser Rodríguez. Profesor de guitarra en academias ourensás como "Kontrapunto" e "La Casa de la Música" de Fernando Calvo, guitarrista dos Suaves. Con diferentes cursos relacionados coa música as súas costas, este músico tamén ten composto música para bandas sonoras.

Recoméndase levar ordenador portátil e auriculares para a realización do obradoiro.

O obradoiro terá lugar no Espazo de Iniciativas Xuvenís (r/Matadoiro,68) na tarde do martes 26 de decembro de 16:30 h. a 21:30 h. Para inscribirse, só é preciso cubrir o formulario que se atopa na marxe dereita deste blogue, tendo como prazo de inscrición até o día hábil anterior do evento, ás 21:00 h, tendo prioridade na asistencia os/as actuais usuarios/as dos Locais de Ensaio, e despois as persoas menores de 30, aínda que pode solicitar asistencia toda a cidadanía.
Share:

17 de out. de 2017

Listaxe definitivo de admitidos para o comezo da quenda semestral outubro 2017 - marzo 2018

A Continuación se publica a listaxe definitiva na solicitude de prazas para a quenda semestral de ensaios que dará comezo o vindeiro luns, 23 de outubro.
Os grupos admitidos foron convocados, nos enderezos de e-mail facilitados nas súas inscricións, á xuntanza de adxudicación de horarios que terá lugar o xoves ás 20.00 h, no Coliseum (acceso pola porta número 12).
Share:

4 de out. de 2017

Listaxe provisional de admitidos para a quenda semestral de ensaios outubro 2017- marzo 2018

A continuación se publican as listaxes provisionais na solicitude de prazas para a quenda semestral de ensaios que comezará o 23 de outubro:


Unha vez publicada a listaxe provisional, ábrese un prazo de 10 días naturais desde a publicación, para que os interesados podan presentar as alegacións que estimen convintes. Finalizado este prazo, publicarase a listaxe definitiva. Os grupos que onsten con solicitudes incompletas poderán achegar a documentación requerida ao enderezo de e-mail xuventude@coruna.es. O prazo rematará o venres 13 de outubro, ás 14.00 h CET.

De existir algún grupo que, tendo presentado a súa solicitude en prazo, non aparezan aptos nesta listaxe, poderán porse en contacto cos Locais de Ensaio do Concello da Coruña no e-mail: locaisdensaio@gmail.com

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, como é costume, iranse repartindo todos os horarios dispoñibeis segundo a orde estipulada no noso regulamento interno, precisando un representante de cada grupo. 

Os grupos aptos que non asistan á xuntanza, xunto aos grupos cuxa solicitude foi enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios que queden sen adxudicar.
Share:

18 de set. de 2017

Inscribirse nos Locais nunca foi tan doado


Ábrese un novo prazo de inscrición para optar a unha das 48 prazas de ensaios dispoñibeis para os vindeiros 6 meses. De vos interesar, e como novidade sobre anteriores convocatorias, deberase facilitar toda a documentación requerida ao enderezo electrónico xuventude@coruna.es. As inscricións deberan adxuntar:

- Solicitude debidamente cuberta
- Fotocopia do DNI de todas as persoas integrantes do grupo
- Certificado de empadroamento, con data de 2017, ou ben matrícula nun centro educativo da cidade para o curso 2017/2018 de, alo menos, o 50% dos/as integrantes do grupo
- Permiso do pai, nai, ou responsábel legal de todas as persoas menores de 18 anos, asinado e acompañado pola fotocopia do DNI da persoa que dá o permiso

Como atoparás nas bases de convocatoria, os únicos requisitos para acceder aos ensaios son:

- Que, alo menos, a metade do grupo sexa menor de 30 anos
- Que, alo menos, a metade do grupo certifique vivir actualmente na Coruña, ou ben curse estudos actualmente nun centro educativo da cidade

O periodo de inscrición ordinario comprende desde o luns 18, até o venres 29 ás 14.00 h CET. As solicitudes logo dese intre tramitaranse unha vez comezada a nova quenda de ensaios, formando eses grupos a listaxe de agarda por orde de recepción de solicitudes.

Os novos horarios darán comezo o luns 23 de outubro. A listaxe provisional publicarase o 4 de outubro, dando pé a un prazo de reclamacións e de presentación de documentación requerida que rematará o venres 13 ás 14.00 h CET. A partires do 17 de outubro presentarase a listaxe definitiva de admitidos, convocando a (alo menos) un/unha representante de cada un deses grupos á xuntanza de adxudicación de horarios.

Share:

Festival Solidario Coruña En Directo XII


Xa está aquí unha nova edición do noso festival solidario. Serán 5 os grupos usuarios dos Locais de Ensaio participantes: Harakiri, Proyecto Moucho e Senectud Sideral (participantes nas últimas edicións do Festival Noroeste Estrella Galicia), Sala 5 (un dos grupos dos Locais máis activos en todo 2017), e os debutantes Wondermind.

O evento tratará de apoiar a labor de Intermon-Oxfam, quenes xestionarán unha barra solidaria con produtos de comercio xusto. As invitacións facilitaranse mediante unha doazón de 3 € á ONG, e incluirán unha consumición de auga, refresco, café ou infusión. Poderán retirarse no propio acceso á Sala O Túnel do Coliseum, na tarde do día 29, a partires das 19.30 h.

Atoparás todas as novidades do evento nas nosas redes sociais, co cancelo #EnDirectoXII.


Share:

20 de xuño de 2017

Ensaio En Directo

Vai 2 semanas cumprimos 7 anos desde a apertura do servizo. Como celebración, propuxémoslles aos grupos usuarios unha nova actividade: Ensaio En Directo. Trátase da gravación audiovisual, en directo, dun tema de composición propia, aproveitando todo o equipamento dispoñíbel nos Locais. Nesta primeira edición contamos coa presenza de Harakiri e Sala 5, xa podes ver o resultado destas gravacións na canle de Youtube dos Locais.



Share:

31 de maio de 2017

Prepara(ndo) o verán


Cadrando co 7 aniversario da apertura dos Locais de Ensaio do Concello da Coruña, abrimos prazo de inscrición para "Prepara(ndo) o verán". Esta actividade formativa nace como un resumo de varios obradoiros realizados no pasado (como conseguir concertos, industria musical, autoedición e autoprodución, imaxe corporativa, expresión corporal no escenario, saúde musical, ...) co fin de que os grupos adquiran certos conceptos loxísticos, dinámicas profesionais, boas prácticas, etc... importantes de cara a afrontar a temporada veraniega de concertos, e comecen a organizarse para tentar facer crecer o seu proxecto nos vindeiros meses. O coidado das redes sociais do grupo, a importancia do dossier e do rider técnico, ou a comunicación con outros axentes do eido musical serán algúns dos temas a tratar.


O obradoiro terá lugar no Espazo de Iniciativas Xuvenís (r/ Matadoiro, 68) na mañá do sábado 10 de xuño. Para inscribirse, só é preciso cubrir o formulario que se atopa na marxe dereita deste blogue, e envialo antes do mércores 7 de xuño ás 21.00 h, tendo prioridade na asistencia os/as actuais usuarios/as dos Locais de Ensaio, e despois as persoas menores de 30, aínda que pode solicitar asistencia toda a cidadanía.

Actualización:

Debido a imprevistos, vémonos na obriga de adiar o obradoiro "Preparando o verán". Comunicaremos unha nova data, e abriremos novamente o proceso de inscrición.
Share:

19 de abr. de 2017

Listaxe definitivo de admitidos para o comezo da quenda semestral abril-outubro 2017

A continuación se publica a listaxe definitiva na solicitude de prazas para a quenda semestral de ensaios que comezará o vindeiro luns, 24 de abril.


Os grupos admitidos foron convocados, nos enderezos de e-mail facilitados nas súas inscricións, á xuntanza de adxudicación de horarios que terá lugar o xoves ás 20.00 h, no Coliseum (acceso pola porta número 12).
Share:

17 de abr. de 2017

Concursos musicais (primavera 2017)

Son moitos os certames que, aproveitando os meses previos á temporada de festivais, póñense en marcha. Non deixes pasar a oportunidade de inscribir ao teu grupo nos seguintes concursos musicais:

- O concurso anual de CUAC FM para bandas e solistas xa publicou as súas bases para esta XIX edición.
Premios: Até 800 € + Tocar no Festival Noroeste Estrella Galicia.
Data límite de inscrición: 26 de maio

- O concurso Rock da Deputación da Coruña pasa a chamarse nesta nova edición Concurso Fran Pérez "NARF" para grupos e artistas musicais.
Premios: Até 3000 €
Data límite de inscrición: 15 de xullo

- Sonidos Mans engloba todos os concursos nos que colaboraba Estudios Mans xunto a diversos festivais galegos.
Premios: Tocar nalgún destes festivais: Atlantic Fest, O Marisquiño, Sonrias Baixas, Portamérica, Revenidas, e/ou Sinsal.
Data límite de inscrición: 28 de abril

- Concurso Pop-Rock Villa de Bilbao. Pese a distancia, de seguro que a cuantía dos seus premios animan a participar a máis dun grupo coruñés.
Premios: Até 5000 €
Data límite de inscrición: 15 de maio

- Proyecto Demo 2017 é unha colaboración de RTVE e o Festival Internacional de Benicàssim. Na edición anterior, o grupo usuario dos Locais Say My Name chegaron ás semifinais deste certame.
Premios: Gravación no programa "Los directos de Radio 3", e emisión en La2 + Tocar no FIB, cun caché de 1000 €, e pases de backstage para os 4 días de festival.
Data límite de inscrición: 24 de abril

Para máis novas de interese musical, visita as páxinas dos Locais de Ensaio en Facebook e Twitter.
Share:

5 de abr. de 2017

listaxe provisional de admitidos para a quenda semestral abril-outubro 2017

A continuación se publican as listaxes provisionais na solicitude de prazas para a quenda semestral de ensaios que comezará o 24 de abril.
Unha vez publicada a listaxe provisional, ábrese un prazo de 5 días hábiles, desde a publicación, para que os interesados podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán achegar a documentación requerida nos rexistros municipais en horario de 08.00 a 14.00 h. Esta documentación tamén se poderá entregar de xeito telemático a través da sede electrónica. O prazo rematará, en ambos os casos, o mércores 12, ás 14.00 h CET.

De existir algún grupo que, tendo presentado a súa solicitude en prazo, non aparezan aptos nesta listaxe, poderán porse en contacto cos Locais de Ensaio do Concello da Coruña  no e-mail: locaisdensaio@gmail.com

Todos os grupos que finalmente resulten aptos estarán convocados á xuntanza de adxudicación de horarios. Nela, como é costume, iranse repartindo todos os horarios dispoñibeis segundo a orde estipulada no noso regulamento interno, precisando un representante de cada grupo (no caso de non respostar no momento en que lle toque, ese grupo irá por orde para a listaxe de agarda).
Share:

3 de abr. de 2017

Crónica dos últimos obradoiros



Nos Locais de ensaio comezamos a primavera con moitos folgos...

O 24 de marzo visitounos Pablo Barge para falar de como no seu proxecto musical, Chupadeskay, xera e xestiona todos os contidos, tendo o artista o control absoluto das súas publicacións. Falou do software preciso para gravarse na casa, xa sexa audio ou video, e deu ideas de como enfocar unha canle de Youtube dun grupo. Ao remate da sesión, os/as asistentes tiveron unha práctica real na que gravaron audio e video.




Xa o sábado pasado, Pablo García Ferradás explicou nocións importantes para mellorar a interpretación do músico á hora cantar, como o xeito no que funcionan os nosos corpos á hora de emitir sons, a importancia do quencemento, coñecer o noso "instrumento" para saber até onde se pode chegar, e un longo etcétera, co fin de mellorar as cualidades vocais dos/as presentes no que foi un obradoiro especialmente práctico.



Share:

15 de mar. de 2017

Aberto novo prazo de inscrición


Ábrese un novo prazo de inscrición para optar a unha das 48 prazas de ensaios dispoñibeis para os vindeiros 6 meses. De vos interesar, deberedes presentar o formulario de inscrición, xunto á documentación requerida, ben nun dos Rexistros Municipais (Pazo de María Pita, Fórum Metropolitano e Centro Ágora) de luns a venres en horario de 08.00 a 14.00 h, ou ben de xeito telemático mediante a Sede Electrónica. As inscricións deberán adxuntar:

- Solicitude debidamente cuberta
- Fotocopia do DNI de todas as persoas integrantes do grupo
- Certificado de empadroamento, con data de 2017, ou ben matrícula nun centro educativo da cidade para o curso 2016/17 de, alo menos, o 50% dos/as integrantes do grupo.
- Permiso do pai, nai, ou responsábel legal de todas as persoas menores de 18 anos, asinado e acompañado pola fotocopia do DNI da persoa que dá o permiso

Como atoparás nas bases de convocatoria, os únicos requisitos para acceder aos ensaios son:

- Que, alo menos, a metade do grupo sexa menor de 30 anos
- Que, alo menos, a metade do grupo certifique vivir actualmente na Coruña, ou ben curse estudos actualmente nun centro educativo da cidade

O periodo de inscrición comprende desde o mércores 15, até o venres 31 de marzo ás 14.00 h CET. As solicitudes recibidas logo dese intre tramitaranse unha vez comezada a nova quenda de ensaios, formando eses grupos a listaxe de agarda por orde de recepción de solicitudes.

Os novos horarios darán comezo o luns 24 de abril. A listaxe provisional publicarase o 5 de abril, dando pé a un prazo de reclamacións e de presentación de documentación requerida que rematará o mércores 12 de abril ás 14.00 h CET. A partires do 18 de abril presentarase a listaxe definitiva de admitidos, convocando a (alo menos) un/unha representante de cada un deses grupos á xuntanza de adxudicación de horarios.





Share:

13 de mar. de 2017

Novos obradoiros



Remataremos a presente quenda semestral retomando as actividades formativas dos Locais de Ensaio con dous novos obradoiros:

- O 24 de marzo terá lugar o obradoiro de autoedición e autroprodución dixital, que tratará temas de gravación, produción e edición de audio, ademais de conceptos de linguaxe audiovisual e algunhas aplicacións. Tamén farase unha práctica de como facer streamings en directo. Como poñente, teremos a Pablo Barge, profesor de música máis coñecido polo seu traballo  no grupo de Rock Chupadeskay.

- Para o sábado 1 de abril temos plantexada unha xornada onde acadar nocións de técnica vocal, co fin de previr lesións e mellorar as túas habilidades á hora de cantar ou facer coros co teu grupo. Será un evento eminentemente práctico, de 6 horas de duración dividido en dúas sesións de 3 horas. As explicacións correrán a cargo de Pablo Ferradás, coach de voz e terapeuta vocal.

Ambos obradoiros realizaranse no Espazo de Iniciativas Xuvenís (r/ Matadoiro, 68). Para asistir, só debes cubrir o formulario que atoparás á dereita deste texto, tendo como prazo de inscrición até o día anterior de cada evento, ás 21.00 h. As prazas son limitadas, tendo preferencia os/as actuais usuarios/as dos Locais, e despois os/as menores de 30 anos, aínda que pode solicitar asistencia toda a cidadanía.





Share:

23 de xan. de 2017

Festival Solidario En Directo XI (crónica)

A 11ª edición do noso festival solidario conseguiu máis de media tonelada de produtos que xa están na despensa da Cociña Económica, fixo ao público descubrir produtos de comercio xusto grazas a Oxfam-Intermón, e desfrutar durante 5 horas da música dos grupos participantes:

Pleasure debutaban neste festival, deixando ganas de escoitar máis deles

Reminders deron un concerto que marca un antes e un despois na súa historia

Proyecto Moucho presentaron a súa primeiro composición

Sala 5, madurando o seu proxecto a pasos axigantados

Last Night Promise deron un animado e enérxico concerto

Outros dos debutantes, o Metal de JEMP

Había 8 edicións que non contabamos con Ingravity no line-up do festival, e non deufradaron

Rematamos coa actuación de Harakiri, quenes abrirán o concerto de Sonotones nunhas semanas
Damos as grazas a todos os grupos participantes, polas súas mostras de profesionalidade e cooperación, e por suposto a toda a xente que se achegou ao Ágora e colaborou coas entidades beneficiarias do evento.
Share:

11 de xan. de 2017

Festival Solidario Coruña En Directo XI


O venres 20 temos unha nova cita onde a música e a solidariedade van da man. Serán 8 os grupos usuarios dos Locais de Ensaio participantes no evento; primeiro, tocarán os grupos con instrumentos acústicos, ou cuxa música contén máis matices: Pleasure, Reminders, Sala 5 e Proyecto Moucho. Logo será a quenda dos grupos que precisan un punto máis de distorsión nas súas guitarras: Last Night Promise, JEMP, Ingravity e Harakiri.

Podes recoller as invitacións no Centro Municipal de Información Xuvenil do Fórum Metropolitano, nos propios Locais, ou no acceso ao auditorio do Centro Ágora o día dos concertos, a partires da apertura de portas (18.30 h). Para o acceso, ademais, pídese a doazón de (alo menos) 3 Kg/l de alimentos non perecedeiros a favor da Cociña Económica, preferentemente: macarróns, zume (en brick), conservas, café molido natural, embutido envasado (en barra), caldo de polo (en brick), azucre, sal, e/ou vinagre. Para quen o prefira, a ONG alerta tamén das súas necesidades en: produtos infantís (toalliñas, leite de continuación nº2, cueiros tallas 4 e 5, ou tarriños), e produtos de hixiene (champú, xel de baño, xel ou escuma de afeitar, maquiniñas dun so uso, desodorizante en spray).

Como gran novidade, nesta edición Intermon-Oxfam habilitará unha barra solidaria con produtos de comercio xusto.

Poderás seguir todas as novidades do evento nas nosas redes sociais, co Hashtag #EnDirectoXI

En resumo, serán máis de 5 horas de música onde poder descubrir novos proxectos, ademais de contribuir con 2 causas solidarias.



Share:

Incrición obradoiros ou masterclasses

número de visitas

Participación e Innovación Democrática

Centro Municipal de Información Xuvenil do Concello da Coruña (CMIX)

Blog Archive